Jæja, lét verða af því og fékk mér nýtt blogg.
Ætla núna að reyna að vera duglegri og skemmtilegri bloggari....

Sjáumst á : www.gwen.blog.is

Bara sætast í heimi:

http://www.youtube.com/watch?v=BC5NoQ7Rfcw&mode=related&search=

 

 

Ótrúlegt en satt þá er ég að blogga!! Maður er bara alveg hættur að nenna þessu.... virðist ekkert vera í tísku lengur að blogga? Annars langar mig soldið að fá mér nýtt blogg með sérstakri myndasíðu en nennan hefur ekki boðið uppá það ennþá. Þangað til ætla ég að nota myndasíðuna inná FACEBOOK-inu mínu, reyndar bara 1 albúm þar núna en fleiri á leiðinni

Annars er ég nú bara komin til Odense igen og hef haft mjög skemmtilega og viðburðarríka viku. Bjóst svosem ekki við að gera mikið þessa helgina en endaði svo bara á að gera endalaust mikið. Byrjaði á einum litlum bjór á miðvikudaginn, nýnemahittingi á fimmtudaginn, kulturnat í Odense föstudagskvöld og endaði svo með heljarinnar kulturugefylleríi í Århus City á sunnudagsmorgun.... Og ég sem á að vera að læra... Varð ekkert af smukkvindeløbinu sem var ein ástæða Árhúsarferðarinnar en skemmtileg ferð engu að síður. Ef ég var ekki að spila á gítar, syngja í SingStar eða syngja í karaokí á XL þá var ég í Kubbs í góða veðrinu með myndavélina að vopni að skjóta á dönsk epli í dönsku eplatréi eða borða góðan mat eða eitthvað allt annað.... alltaf nóg að gera í Århus.

---------- Þetta lýsir vel látunum sem eru alltaf í Árósum, haha -----------

Sumarið var alltof fljótt að líða og tókst mér nú ekki að gera allt sem ég ætlaði að gera... en því er nú mest að kenna helv.. prófinu sem ég þurfti að taka. En svo er líka bara gott að vera komin aftur "heim" og komin í þessa venjulegu rútínu. Nóg að gera og líður ekki langt þangað til ég verð komin á klakann aftur í faðm fjölskyldunnar á jólunum.

Ég reyni nú að vera duglegri að blogga núna, og ef það verður ekki hér stofna ég líklega nýtt og læt þá vita.

Over and out...

 

Nú er ég stödd á Íslandinu og verð hérna alveg til 2. Sept. Var svo heppin að það var akkúrat verið að auglýsa flug fyrir aðeins 9.900 kr. til Köben með Icelandair (aðra leið), var fljót að skella mér á það enda var það ódýrasta sem ég var búin að finna 26 þús fyrir báðar leiðir.

Ég er búin að vera heima í rúma viku og vil endilega fara að heyra í sem flestum, þ.e. sem ég er ekki nú þegar búin að heyra í.... er komin aftur með sama gamla númerið mitt.

Annars er ekki mikið að frétta, vona að ég hafi náð prófunum en fæ víst að vita það eftir 2 daga *stress* *stress*. Er svo að vinna á Landspítalanum við Hringbraut en verð aðeins út þessa viku og flyt mig þá yfir í Garðabæinn í júlí og svo aftur á lansann í ágúst. Gott að hafa svolitla fjölbreytni í þessu.

Ég seldi bílinn minn í janúar og er því búin að vera svolítið hangandi utan á þeim sem eiga bíl en var svo heppin að í nótt fór Kata vinkona til Kanarí og lánaði mér bílinn sinn á meðan... þannig að nú kemst ég allt sem ég vil fara án þess að þurfa að láta einhvern sækja mig eða skutla... LÚXUS!

Jæja, annars efast ég nú um að ég skrifi mikið hérna í sumar en stefni á að stofna nýja bloggsíðu í lok sumars og þá einhverja sem auðvelt er að setja inn myndir á......

Vildi bara láta vita af mér, að ég væri á Íslandi og vil endilega heyra í sem flestum

The BEST Riddle Ever - The best bloopers are a click away

Lovísa og Grey's

Ok, ég veit ég sagðist vera hætt að blogga en vá ég bara varð að segja einhverjum þetta.... og þar sem ég bý ein og klukkan er miðnótt þá ákvað ég að blogga....

Ég var s.s. að horfa á Grey's Anatomy þátt nr. 23 í nýjustu seríunni og þá hljómar allt í einu ótrúlega kunnuglegt lag, fannst þetta vera Lay Low eða Lovísa hin Íslenska. Eftir þáttinn googlaði ég þetta og jú jú þetta er hún. Vá hvað mér finnst þetta merkilegt. Lítil stelpa frá Selfossi komin í svona rosa þátt útí USA!!!!

Hægt að hlusta á lagið á myspace-inu hennar: http://www.myspace.com/baralovisa 

 

Jábbs, mín er bara hætt að blogga Nenni þessu bara ekki lengur, finnst ég aldrei vera að segja neitt merkilegt og því trúi ég því ekki að þessir 50 sem kíkja hérna inn á hverjum degi finnist þetta virkilega eitthvað spennandi. Ef mótmælin verða nógu mörg er þó aldrei að vita hvað gerist.... en annars segi ég bara farvel og glædelig jul

Ég og nýji kærastinn minn, Forrest Gump, kveðjum að sinni og bjóðum alla velkomna í heimsókn.

Ég hef verið að fylgjast með X-factor í gegnum netið að undanförnu. Núna í gær var undanúrslitaþátturinn, þannig að næst verður sigurvegarinn krýndur. Ég var búin að spá því þegar þættirnir voru komnir yfir í smáralindina að þetta væru þau sem myndu keppa til úrslita. Ekki kannski endilega af því að þau væru best heldur af því mér fannst þau skemmtilegust. Þetta eru semsagt Hara eða Rakel og Hildur frá Hveragerði og svo færeyski folinn Jógvan. Ég held að sjálfsögðu með Hara stelpunum því mér finnst ég alltaf vera úr Hveragerði þó að núna hafi ég búið lengur í Reykjavík en í Hveragerði. En þetta er sá staður sem maður ólst upp á og því segi ég alltaf að ég sé frá Hveragerði Í einum þættinum sungu stelpurnar lag sem ég hafði aldrei heyrt áður og er ég gjörsamlega búin að vera með það á heilanum síðan, ótrúlega skemmtilegt finnst mér.... það heitir I wish I was a punk rocker og HÉRNA getið þið hlustað á það, enjoy

Það kemur oft fyrir að þegar verið er að tala um einhverja Íslendinga hérna í útlöndum að maður þekki eða kannast við manneskjuna. Ég komst að því að Ísland er ekki eina landið sem er svona lítið að nánast allir þekkjast..... Færeyjar eru ennþá minni Ég komst að því þegar ég var að læra með einni færeyskri stelpu um daginn og datt þá í hug að segja henni frá því að það væri færeyskur strákur að gera það gott í X-factor á Íslandi. Henni fannst þetta mjög spennandi og sýndi ég henni því svolítið úr þættinum. Hún hrópaði þá upp yfir sig, NEi, er þetta Jógvan!!! HAHA, hún þekkti þá Jógvar bara persónulega....

Annars var djammið í gær hrikalega skemmtilegt. Hef ekki skemmt mér svona vel áður með læknanemunum hérna. Hef yfirleitt bara djammað með Íslendingum en í gær var ég eini Íslendingurinn. Það voru reyndar ansi margir skandalar á milli bekkjarsystkinanna sem á eftir að vera áhugavert að fylgjast með eftir páska. Fólk sem ég gat aldrei ímyndað mér að færi að vera saman.... en það getur greinilega allt gerst. Ég hitti svo einn Ítala í bænum í gær og ég held ég sé með harðsperrur í maganum, ég hló svo mikið AÐ honum.... hehe. Hann var bara óendanlega fyndinn... Hann söng og lék á alls oddi bara til að fá okkur til að hlægja, og það er vægast sagt hægt að segja að það hafi tekist hjá honum...

 

Já ég er rosalega glöð að sjá hvað margir kommentuðu á síðustu færslu hjá mér og vil ég þakka þeim fjölmörgu kærlega fyrir

Annars hef ég voða lítið spennandi að segja núna. Hef bara verið voða róleg síðustu daga enda er próf hjá mér á fimmtudaginn og svo er ég að gera verkefni í sálfræði sem á að skila á föstudaginn. Þá kemst ég í páskafrí og byrjar það með prompi á föstudaginn þegar við stúdíugrúppan mín ætlum að fara út að borða á Bones, til að skoða rifjasteikurnar. Semsagt að læra anatómíuna á skemmtilegan hátt, haha Eftir það verður svo stefnan tekin á ball sem verður haldið í skólanum og er þema þess blátt. Ég held ég eigi engin blá föt og vantar því einhverjar góðar hugmyndir fyrir föstudaginn.

Næsta vika verður svo tekin í allt það sem ég er búin að ætla mér að gera síðustu mánuði. Á föstudaginn, s.s. þarnæsta, flýg ég svo yfir til London, í annað skiptið á þessu ári. En þar verða mamma og pabbi í golfi og voru svo elskuleg að bjóða litlu stelpunni sinni til sín svo hún yrði ekki ein á páskunum

Veðrið í Danmörku er búið að vera æðislega gott síðustu daga. Ég fór í mat til Gyðu á sunnudagskvöldið, en þá um nóttina var tímanum hérna breytt þannig að núna erum við 2 tímum á undan Íslandi. Allavega var veðrið svo æðislegt, hlýtt og bjart alveg fram yfir 8 að við Gyða borðuð bara úti. Þetta held ég að gerist nú seint á Íslandinu, að borða úti í mars!!!!

Ég ætla að núna að halda aðeins áfram með þetta sálfræðiverkefni sem fjallar um par sem var að missa fóstur í annað skipti. Mjög áhugavert finnst mér og alls ekki svo erfitt.... það er þá bara danskan sem ég þarf að komast yfir, en það gerist hægt og bítandi

... af anatómíu. Loksins, loksins er ég í alvörunni farin að læra læknisfræði, eða allavega finn ég núna fyrir því. Ég er reyndar að fara í próf í næstu viku úr Siðfræði og Sálfræði og þarf því aðeins að leggja anatómíuna til hliðar... en það er bara ekki næstum eins skemmtilegt

Helgin var mjög skemmtileg. Á fimmtudaginn eftir anatómíulestur skellti ég mér til bróður míns og fjölskyldu sem búa í Álaborg, ca. 3,5 klst. ferðalag með lest. Við brölluðum ýmislegt, fórum t.d. í dýragarðinn og er Ninja hérna að knúsa litla geit sem hún rakst þar á. Svo gerðum við bragðarefi því það eina (matarkyns) sem ég sakna frá Íslandi er bragðarefur með fullt af nammi úr Ísbúðinni Hagamel, mmmm. Fæ bara vatn í munninn við að hugsa um þetta. En við allavega reyndum og gerðum okkar besta til að uppfylla þennan söknuð minn.... útkoman var hinsvegar meira eins og jarðaberjashake með súkkulaðikurli

Á laugardeginum fór ég svo yfir til Árósa til Hildar og Óskars og höfðum við það svakalega kós. Ég fékk Anatómíubók á spottprís í gegnum einhverja heimasíðu (www.pensum.dk). Þar eru seldar notaðar bækur en ég var svo heppin að fá glænýja.... reyndar var gaurinn sem seldi mér hana eitthvað útlenskur, heitir Marco, og við Hildur vorum nú að spá hvort þetta gæti verið illa fengin bók... ekki það að við séum eitthvað fordómafullar.... en þetta var allt mjög undarlegt! Ég er hins vegar alsæl með nýju flottu bókina mína og sparaði 300 dkk. á því

Á mánudagskvöldið skellti ég mér svo í bíó, í held ég annað skiptið síðan ég flutti til Danmerkur. Við fórum að sjá myndina Kærlighedens slör, eða á ensku The painted Veil. Fyndið hvernig danir þýða titlana á öllum myndum, maður veit svo ekkert hvaða myndir danirnir eru að tala um þegar þeir nota bara dönsku nöfnin.... en myndin var góð og mæli ég eindregið með henni. Mjög sérstök ástarsaga sem gerist árið 1925 og er algjörlega ófyrirsjáanleg.

Að lokum langar mig að minnast elsku bestu vinkonu minnar sem var sko algjört gull og engill í mannsmynd. Hún hét Júlíanna Bergsteinsdóttir og hefði átt 25 ára afmæli í dag en lést því miður í snjóflóðinu í Súðavík þann 16. janúar 1995. Innilega til hamingju með afmælið, Júlla

 

 

Nú er ég loksins farin að læra eitthvað sem hægt er að teljast læknisfræði. Alveg þangað til núna finnst mér það sem ég hef verið að læra ekkert öðruvísi en líffræðin heima á Íslandi... sem er svosem alveg ágætt enda tengjast þessi tvö vísindi mikið.

Ég, Sean og Silvia erum semsagt farin að læra Anatomiu eins og alvöru læknanemar. Byrjuðum reyndar bara í gær því síðasta vika fór í veikindi, fyrst hjá Sean og svo hjá mér, ótrúlegt en satt. Ég verð nú bara næstum aldrei veik (7, 9, 13) en tókst í þetta skipti að ná mér í þessa flensu sem allir virðast vera með...  loksins fell ég inní hópinn og er ekki öðruvísi

Á fimmtudaginn skrapp ég yfir til Köben þrátt fyrir flensuna og fékk ég tvær súpergóðar hjúkkur til að stjana við mig. Hefði sko ekki getað haft það betra. Sif hlóð mig upp af einhverjum hor- og höfuðverkjalosandi töflum og Jóhanna mallaði fyrir mig Kamillute. Mér leið bara eins og prinsessunni á bauninni.

Plan köbenferðarinnar var að fara á karaokebar og létum við sko ekki okkar eftir liggja. Ég með hálsbólguna (eða "my sexy voice" eins og ég vil kalla það) sungum nokkur lög í karaoke og fólk var bara hresst og tók vel undir hjá okkur. Veit ekki hvort það var af því við sungum svona hræðilega.... eða af því lagið var svona skemmtilegt, hehe Mér er svosem alveg sama, við skemmtum okkur og það er það sem skiptir máli. Jóhanna heillaði svo karlpeninginn uppúr skónum með sínum yndislegu persónutöfrum og verður gaman að fylgjast með framhaldinu

Nú er ég semsagt bara á fullu að læra um beinin, vöðvana og allt þetta sem liggur undir húðinni okkar.... veit ég tala mjög professionally, haha Próf í siðfræði og sálfræði eftir rúmar 2 vikur og þarf ég því að fara að læra líka fyrir það. Ef einhver veit ekki hvað siðfræði er þá langar mig að koma með eitt dæmi sem ég fékk á inntökuprófinu í læknisfræði heima á Íslandi:

Rúmlega fimmtugur maður er í fangelsi dæmdur til dauða. Það á að fara að taka hann af lífi næsta dag en þú (sem læknir) ert kallaður til því maðurinn hefur verið með verki í brjósti sem leiða út í annan handlegginn. Þú rannsakar manninn og kemst að því að hann hefur fengið kransæðastíflu og þurfir að gera á honum aðgerð til þess að bjarga lífi hans. Þar sem það á að fara að taka hann af lífi daginn eftir og svona aðgerð er mjög dýr fyrir heilbrigðiskerfið ertu í vafa um hvað gera skal.

Hvað gerirðu og af hverju?

Helgin liðin og margt búið að gerast. Hef haft alveg fullt að gera þó svo að ég hafi fengið þennan kúrs metinn og er því frekar lítið í skólanum. Hef m.a. verið að æfa mig í að taka myndir og leika mér með þær í photoshop, mjög skemmtilegt.... næst á dagskrá er bara að kaupa sér góða myndavél svo maður geti farið að ráða stillingunum sjálfur. Svo er ég líka að reyna að læra eitthvað á gítarinn minn, sem ég er búin að eiga í rúm 2 ár en kann samt aðeins 1 lag ágætlega.... en tekst samt alltaf að plata fólk og láta það halda að ég sé geggjað góð, hehe

Elsku besti bróðir minn kom í heimsókn til mín á föstudaginn. Það er alltaf gaman þegar hann er annarsvegar... hér kemur sagan:

Hann mætti, við borðuðum, æfðum okkur á gítarana okkar (hann keypti sér eins og minn þannig að í sumar verður við með dúet!) og drukkum svo bjór og hvítvín, gaman Mér datt svo í hug að sýna kallinum gamla kollegiið mitt sem er lengst útí rassgati (enda heitir það Rasmus Rask kollegiet). Það var grímuball í gangi og tókst mér að hafa uppi á nokkrum íslendingum sem þar búa enn og hittum við þau. Þegar við komum, rétt yfir 12, var hætt að hleypa inná ballið. Til að fá aðgang fékk maður hvítt armband sem á var stimplað RRK með mjög ljósum lit og svo var raðnúmer undir því. Bróður mínum datt þá sú snilldrahugmynd í hug að fara heim til eins af íslendingunum og klippa úr úr hvítu blaði svona armband og reyna svo bara að svindla sér inn.....  Það gerðum við nema að við fengum engin blöð, Friðgeir braut saman klósettpappír og setti utan um úlnliðinn á sér og ég snéri úrinu mínu á hliðina (sem er með hvítri ól). Þegar við komum svo aftur á ballið sýndum við "armböndin" okkar ótrúlega snöggt og strunsuðum svo inn.... OG komumst inn, veivei. Þetta var einn af hápunktum kvöldsins, haha, mér leið eins og ég væri 15 aftur og væri að reyna að svindla mér inná sveitaball í Njálsbúð.... en þá að reyna að vera 16!

Friðgeir var svo búinn að frétta af Kim Larsen í bænum og vildi ólmur hitta "vin" sinn. Við gerðum því nokkra leit af honum en þegar við loksins fundum pöbbinn sem hann átti víst að vera á var búið að loka....  Friðgeir var ekki sáttur eins og sést á myndinni

Á laugardaginn var mér boðið í afmæli og stelpupartý aldarinnar. Ég ákvað því að toppa kvöldið með því að bjóða nokkrum frábærum píum í mat. Afmlælispartýið var haldið hérna á kolleginu mínu þannig að það var fyrsti viðkomustaðurinn eftir matinn. Þetta var heljarinnar partý og mikið gaman og mikið fjör. Reyndar voru nokkrar uppákomur sem voru ekki eins mikið fjör en það verður sko ekki rætt á heimsnetinu í þetta skiptið. Eftir gott stopp var förinni heitið í stelpupartýið ógurlega.... við mættum heldur seint og var því partýið alveg að slúttast þegar við mættum á svæðið. En þá var bara næst í stöðunni að skella sér í bæinn og reyna að mála hann rauðan.... Þetta var allavega megakvöld og verður að endurtakast í bráð

Í dag var svo hugmyndin að byrja að læra anatomiu með tveimur læsemakkerum. Annar þeirra var á næturvakt þannig að hann mætti ekki og hinn vissi ekkert meira en ég þannig að það varð lítið úr lærdómi í dag. Ákváðum að byrja að lesa um hrygginn og hittast svo á morgun og ræða það. Plús það að sá sem var á næturvaktinni er búinn að taka anatomiu áður og ætlaði því að vera kennarinn okkar.... hann mætir á morgun þannig að vonandi fáum við meira út úr þeim deginum.

Þetta er komin ágætisfærsla hjá mér..... en ef einhver hefur áhuga á ljósmyndun og vill kíkja á það sem ég er að gera, sem btw. er allt á byrjunarstigi þá er hérna flickr-ið mitt, enjoy

Helgin var hin hressasta. Ég fékk góða gesti í heimsókn, alla leið frá Aarhus.... Föstudagurinn var semi rólegur þar sem spilað var á spil og gítar, og smá bjór var borinn að vörum

Laugardagurinn byrjaði svo með þvílíkum myndarskap þar sem við Hildur létum ekki okkar eftir liggja í bollubakstri (reyndar næstum viku of seint en hverjum er ekki sama!). Vatnsdeigsbollurnar heppnuðust svona líka hrikalega vel og voru margir sem fengu að bragða á lostætinu.

Kvöldið fór svo í Árshátíð FÍLD og heppnaðist hún einstaklega vel. Reyndar leit íbúðin mín daginn eftir soldið út eins og árshátíðin hefði verið haldin þar... en það segja mér menn að þar hafi aðallega ég sjálf verið að verki... tókst semsagt að hella ýmsu yfir gólfið mitt En það er bara gaman af því.

En helstu fréttir af mér eru þær að í síðustu viku fékk ég bréf frá skólanum mínum og mér þar með tilkynnt að ég fái metið Erfðafræðina sem ég tók í líffræði inní læknisfræðinámið mitt. Þar með slepp ég við eitt próf sem átti að vera 29. mars. Ég get því farið að anda aðeins léttar núna og er búin að finna mér nýtt hobbý. Ég er semsagt farin að fikta aðeins við photoshop og það tekur mjög mikinn tíma. Ég er þó ekki alveg laus frá lærdómi því ég er ennþá í sálfræði og siðfræði.... sem eru bara kjaftafög og því eina sem hægt er að gera er að læra bækurnar utanaf.....

Ég elska karaoke, besta uppfinning allra tíma. Ég kann nú ekkert að syngja en finnst rosa gaman að syngja bara fyrir sjálfa mig.... og þá sérstaklega þegar ég á að vera að gera eitthvað annað

Núna var ég s.s. að leita að orðinu karaoke á YouTube og þetta er það sem ég fann: Tjekk it out

Hérna er annað ekki alveg eins fyndið.....  áiiiiii

 

Nú er ég búin að búa í Danmörku í hálft ár og finnst ég sjálf bara orðin þokkaleg í dönskunni. Get yfirleitt gert mig skiljanlega og skil svona mest sem er sagt við mig eeen..... ég er búin að komast að einu! Það er ekki sama danska og danska.

Ég fór s.s. á djammið á föstudaginn og komst þá að því að ég er bara alls ekkert góð í dönsku. Lenti á spjalli við tvo gaura sem voru danskir og bulluðu náttlega bara dönsku. Ég gat með engu móti skilið hvað þeir sögðu, enda voru þeir vel hífaðir og tónlistin mjög hávær. Í stað þess að reyna að skilja hvað þeir sögðu, þóttist ég bara skilja þá og bullaði á móti eitthvað sem ég hélt að gæti kannski passað inní umræðuna.... þegar þeir voru svo farnir að vera mjög hissa á því sem ég sagði ákvað ég bara að stinga af, haha

Föstudagsdjammið var bara hressandi og var ég alveg búin að gleyma því hvernig central Odense lítur út, enda mjög langt síðan ég kíkti þangað eftir 00:00.

Í gær, þegar mér tókst að skríða fram úr rúminu, var förinni svo heitið alla leið til Horsens, en þar var haldið glæsilegt þorrablót íslendingafélagsins þar í bæ. Ég var beðin um að koma þangað til að þjóna og hjálpa til. Ég endaði á því að vera á barnum (að vinna) nær allt kvöldið sem mér fannst bara rosalega gaman. Ég vann einmitt svona sjálfboðavinnu á bar í Árhús fyrir rúmu ári og fannst það einmitt ótrúlega gaman líka... kannski maður finni sér bara vinnu á bar til að hafa sem aukavinnu

Annars voða lítið að frétta. Árshátíð FÍLD (félag íslenskra læknanema í danmörku) verður haldið hér í Odense næstu helgi, og það vill svo skemmtilega til að það verður haldið hérna á hæðinni fyrir ofan mig í sama húsi. Gæti bara ekki verið þægilegra